کورونا وائرس کے باعث کراچی کے 48 مقامات پر لاک ڈائون نافذ ، اہم احکامات جاری

کراچی(این این آئی)کراچی میں کرونا کیسز کا پھیلا ئوروکنے کیلیے ضلع وسطی کے 48 مقامات پر دو ہفتوں کیلئے مائیکرو اسمارٹ لاک ڈائون نافذ کردیا گیا ہے۔کراچی میں نارتھ کراچی کے 4مقامات،نارتھ ناظم آباد کے 21 پر اسمارٹ لاک ڈائون نافذ کیا گیا ہے۔ ان کے علاوہ

لیاقت آباد کے 9 اور گلبرگ کے 12 مقامات پربھی اسمارٹ لاک ڈائون پر عملدرآمد شروع کردیا گیا ہے۔ مائیکرو اسمارٹ لاک ڈائون ڈسٹرکٹ ہیلتھ آفیسر کی سفارش پر لگایا گیا ہے اورمتعلقہ حکام کو ایس او پیز پر عملدرآمد کی ہدایات جاری کردی گئی ہے۔حکم نامے کے تحت مائیکرو اسمارٹ لاک ڈائون کے مقامات پر ماسک کے استعمال کی پابندی لازمی قراردی گئی ہے۔ مائیکرو اسمارٹ لاک ڈائون کے مقامات پر کاروبار بند رکھنے کے احکامات جاری کردئیے گئے ہیں۔میڈیکل اسٹور اور ضروری اشیا کی دکانیں مخصوص ٹائمنگ میں کھولنے کے احکامات دئیے گئے ہیں۔اس کے علاوہ مائیکرواسمارٹ لاک ڈائون کے مقامات پررکشہ،ٹیکسی سمیت آن لائن پبلک ٹرانسپورٹ سروس کی بندش کے احکامات جاری کئے گئے ہیں۔اسسٹنٹ کمشنرز کو متعلقہ مقامات پر ایس او پی پر سختی سے عملدرآمد کرانے کے احکامات دئیے گئے ہیں۔ایس او پی پرعملدرآمد کیلئے ڈسٹرکٹ ہیلتھ آفیسر، رینجرز اور پولیس کو بھی اقدامات کی ہدایت کی گئی ہے۔متعلقہ مقامات پر شہریوں کو بلا ضرورت گھر سے نہ نکلنے کی ہدایت کی ہے جبکہ گھر کے ایک فرد کو ضروری اشیا کی خریداری کیلئے باہر جانے کی اجازت ہوگی۔

. کورونا وائرس کے باعث کراچی کے 48 مقامات پر لاک ڈائون نافذ ، اہم احکامات جاری ..

dadaddadd

اپنا تبصرہ بھیجیں