کراچی میں تحریک انصاف لاوارث ہو گئی پی ٹی آئی رہنما نے تہلکہ خیز انکشاف کر دیا

اسلا م آباد (مانیٹرنگ ڈیسک /آن لائن)پی ٹی آئی رہنما و رکن قومی اسمبلی فہیم خان نے کہا ہے کہ تحریک انصاف کراچی میں لاوارث ہو گئی ہے ۔پچھلے دس دنوں سے قومی اسمبلی میں بات کرنے کا موقع نہیں دیا جارہا ۔ تفصیلات کے مطابق پی ٹی آئی رہنما کا کہنا تھا کہ ورکرز اور ضلع کورنگی کے صدر کے خلاف ایف آئی آرز درج کی جارہی ہیں لیکن کسی میں ہمت نہیں ہے وہ آواز اٹھائے ،

یہ سراسر ظلم ہو رہا ہے ، ہماری پارٹی بھی ہمارے ساتھ نہیں کھڑی ہو رہی ، اسپیکر قومی اسمبلی ہمیں بات کرنے نہیں دیتے ہیں ۔انہوں نے وزیر اعظم عمران خان اس صورتحال کا فوری نوٹس لینے کا مطالبہ کیا ہے ۔دوسری جانب پاکستان تحریک انصاف نے سندھ حکومت پر 3 ارکان اسمبلی کے اغوا کا الزام عائد کردیا ہے، پی ٹی آئی رہنماء خرم شیر زمان نے کہا کہ اراکین اسمبلی سے ہمارا رابطہ نہیں ہو رہا ہے، اگر کسی کو نقصان پہنچا تو سندھ حکومت ذمہ دار ہوگی، صورتحال سے پولیس کو آگاہ کردیا ہے، انہوں نے پارٹی رہنماؤں کے ہمراہ پریس کانفرنس کرتے ہوئے کہا کہ اراکین اسمبلی سے ہمارا رابطہ نہیں ہو رہا ہے۔سینیٹ کے پچھلے الیکشن میں لوگوں کے ضمیر خریدے گئے۔ اب جو ضمیر بیچے گا کم سے کم اس کا پتہ چل جائے گا۔ انہوں نے کہا کہ آج آصف زرداری کو بڑا دھچکا لگا ہے۔ ہمارے اراکین کو فون کرکے دھمکایا جارہا ہے۔ ہم نے پولیس کو بھی اس معاملے سے آگاہ کردیا ہے۔ہمارے ایک رکن اسمبلی کریم بخش گبول کی ویڈیو منظر عام پر آئی ہے۔ میں کریم بخش گبول پر یقین ہے وہ اپنی وفاداری نہیں بیچ سکتا۔اس وقت صوبہ سندھ میں صورتحال بہت خراب ہے۔ ہمیں خطرہ ہے اگر کسی کو نقصان پہنچا تو سندھ حکومت ذمہ دار ہوگی۔ایم پی ایز کی آخری لوکیشن الگ الگ علاقوں کی آرہی ہے۔ لاپتا ایم پی ایز کے اہلخانہ بھی پریشان ہیں، ہمارے ایم پی اے راجا اظہر اور دیگر کو بھی ہراساں کیا جارہا ہے۔ وزیراعظم کو بھی صورتحال سے آگاہ کردیا ہے۔ پاکستان تحریک انصاف کی جانب سے اپنے تین اراکین اسمبلی کے اغوا کیے جانے کا الزام اس وقت عائد کیا گیا ہے کہ جب سینیٹ انتخابات میں صرف دو دن رہ گئے ہیں۔

. کراچی میں تحریک انصاف لاوارث ہو گئی پی ٹی آئی رہنما نے تہلکہ خیز انکشاف کر دیا ..

dadaddadd

اپنا تبصرہ بھیجیں