علی گیلانی سے متعلق ویڈیو پر الیکشن کمیشن نے نوٹس لے لیا، بڑا اعلان کر دیا

اسلام آباد (این این آئی) الیکشن کمیشن نے سابق وزیراعظم یوسف رضا گیلانی کے بیٹے علی گیلانی کے متعلق ویڈیو پر نوٹس لے لیا ۔ منگل کو سابق وزیراعظم یوسف رضا گیلانی کے بیٹے علی گیلانی سے متعلق ویڈیو پر الیکشن کمیشن نے نوٹس لے لیا ۔ بیان میں الیکشن کمیشن نے کہاکہ

ویڈیو کی میرٹ پر تحقیقات ہوگی۔یاد رہے کہ پاکستان کے ایوان بالا (سینیٹ) کے انتخابات میں پاکستان ڈیموکریٹک موومنٹ کے اسلام آباد سے امیدوار یوسف رضا گیلانی کے بیٹے علی حیدر گیلانی کی ووٹ ضائع کرنے کا طریقہ بتانے کی ویڈیو منظرعام پر آئی ہے۔ویڈیو میں علی حیدر گیلانی مبینہ طور پر ایک رکن کو ووٹ ضائع کرنے کا طریقہ بتا رہے ہیں ، یہ واضح بھی نہیں کہ ویڈیو میں موجود افراد کون ہیں۔ویڈیو کے منظر عام پر آنے کے بعد تحریک انصاف ریفرنس دائر کرنے کیلئے الیکشن کمیشن آف پاکستان پہنچی تھی۔خیال رہے کہ علی حیدر گیلانی کا اپنی ووٹ ضائع کرنے سے متعلق ویڈیو پر موقف سامنے آیا جس کے مطابق ہم سے تحریک انصاف کے کچھ ارکان اسمبلی نے رابطہ کیا تھا ، جن کا کہنا تھا کہ وہ حفیظ شیخ کے بجائے یوسف رضا گیلانی کو ووٹ دینا چاہتے ہیں۔

. علی گیلانی سے متعلق ویڈیو پر الیکشن کمیشن نے نوٹس لے لیا، بڑا اعلان کر دیا ..

dadaddadd

اپنا تبصرہ بھیجیں