کرونا وائرس کے اثرات سعودی عرب سے پاکستانیوں سمیت 2لاکھ 84ہزار غیر ملکی نوکریوں سے فارغ

ریاض(اے پی پی)سعودی عرب میں سال رواں کی دوسری سہ ماہی کے دوران ملازمت سے فارغ ہونے والے سعودیوں کی مجموعی تعداد ایک لاکھ 16 ہزار سے زیادہ ہوگئی ہے جبکہ دو لاکھ 84 ہزار سے زیادہ غیر ملکیوں کو ملازمتیں چھوڑنا پڑی ہیں۔

سعودی عرب میں محکمہ شماریات نے نئی رپورٹ میں بتایا ہے کہ سال رواں 2020 کی دوسری سہ ماہی کے دوران 53 ہزار سے زیادہ سعودیوں نے استعفے دیئے۔ استعفے کورونا وبا کے موقع پر دیئے گئے جبکہ اسی مدت کے دوران 36 ہزار سے زیادہ سعودیوں کی ملازمت کے معاہدے ختم ہوئے۔ محکمہ شماریات نے رپورٹ میں بتایا کہ 11 ہزار سے زیادہ سعودیوں جن میں مرد اور خواتین دونوں شامل ہیں کی ملازمت کے معاہدے قانون محنت کی دفعہ 80 کے تحت منسوخ کیے گئے۔ سال رواں کی دوسری سہ ماہی کے دوران ملازمت سے فارغ ہونے والے سعودیوں کی مجموعی تعداد ایک لاکھ سولہ ہزارسے تجاوز کر گئی ہے۔ رپورٹ میں بتایا گیا کہ سال رواں کی دوسری سہ ماہی کے دوران 2 لاکھ 84 ہزار سے زیادہ غیرملکیوں نے ملازمتیں چھوڑی ہیں، ان میں سے 60 ہزار ایسے ہیں جنہوں نے استعفے دیئے۔

. کرونا وائرس کے اثرات سعودی عرب سے پاکستانیوں سمیت 2لاکھ 84ہزار غیر ملکی نوکریوں سے فارغ ..

dadaddadd

اپنا تبصرہ بھیجیں