سمارٹ فون بچوں کی پرورش پر کیااثر ڈالتا ہے؟ آسٹریلیا میں ہونیوالی تحقیق کے حیران کن نتائج سامنے آگئے

کراچی(یواین پی)عام تاثر یہی ہے اور بعض والدین بھی اپنے تئیں پریشان رہتے ہیں کہ شاید ان کے موبائل فون استعمال کرتے رہنے سے ان کے بچوں کے ساتھ رشتے پر منفی اثر پڑ رہا ہے۔تاہم آسٹریلیا میں ہونے والی ایک تحقیق نے اس ‘مفروضے’ کو رد کر دیا ہے۔آسٹریلیا کی گریفتھ یونیورسٹی، جس نے دیگر آسٹریلین یونیورسٹیز کے ساتھ مل کر اس تحقیق کی سربراہی کی ہے،

کے مطابق ‘جرنل آف چائلڈ سائیکالوجی اینڈ سائیکاٹری’ میں شائع ہونے والی اس تحقیق میں جامعہ کے سکول آف سائیکالوجی کے ریسرچرز نے والدین کے حوالے سے کیے گئے تین ہزار 659 سروے کا جائزہ لیا، اور سمارٹ فون کے استعمال کے 12 مختلف پیمانے بھی ٹیسٹ کیے۔اس کا مقصد یہ جاننا تھا کہ کیا سمارٹ فون کے استعمال اور بچوں کی پرورش کرنے میں کوئی لنک ہے یا نہیں۔ تو نتیجہ یہ نکلا کہ ان دونوں باتوں کا آپس میں براہ راست کوئی تعلق نہیں ہے۔اس کے بعد انہوں نے معلوم کیا کہ آیا پیرنٹگ پر فون کے استعمال کے اثرات کا دارومدار اس بات پر تو نہیں کہ انہوں نے خاندان کے ساتھ ٹائم گزارا کہ نہیں، یا ان کا واسطہ خاندانی تنازعے کے ساتھ تھا کہ نہیں۔ اس کا نتیجہ بھی اُلٹ ہی آیا یعنی اس کا فیملی لائف پر کوئی منفی اثر نہیں ہے۔اس تحقیق کی سربراہی کرنے والی ڈاکٹر کیتھرین موڈیکی کا کہنا ہے کہ ‘والدین کی طرف سے سمارٹ فون استعمال کرنے کے بارے میں مبالغہ آرائی سے کام لیتے ہوئے یہ کہا جاتا رہا ہے کہ یہ فیملی لائف کے لیے خطرہ ہے۔”تاہم دیکھا جائے تو مختلف فیملیز کی زندگی میں سمارٹ فون کے کئی کردار ہیں جیسے اس سے سماجی حمایت اور معلومات ملتی ہیں، اور اس کے ذریعے کام بھی کیا جا سکتا ہے اور شاپنگ بھی ہو سکتی ہے۔

. سمارٹ فون بچوں کی پرورش پر کیااثر ڈالتا ہے؟ آسٹریلیا میں ہونیوالی تحقیق کے حیران کن نتائج سامنے آگئے ..

dadaddadd

اپنا تبصرہ بھیجیں