شیخ رشید اب بھی تڑکا لگانے سے باز نہیں آ رہے، لال حویلی آ کر کیا کام کریں گے؟ آخری وارننگ دے دی گئی

کوئٹہ(این این آئی) جمعیت علماء اسلام کے مرکزی ترجمان اور سابق ممتاز پارلیمنٹرین حافظ حسین احمد نے کہا ہے کہ پاکستان ڈیموکریٹک موومنٹ ( پی ڈی ایم) کی قیادت نے اتحاد کی اسٹیرنگ پرمولانا فضل الرحمن کو بٹھا کر تحریک کے حوالے سے اپنی سنجیدگی اور صحیح سمت

کا تعین کرلیا ہے،عمران نیازی کو شیخ رشید جیسے ’’فتنہ انگیز‘‘ سے دور ہونا چاہئے۔وہ اپنی رہائشگاہ جامعہ مطلع العلوم میں مختلف وفود اور میڈیا سے گفتگو کررہے تھے، اس موقع پراوور سیز چیپٹر کے مرکزی سینئر نائب صدر علی عمران آفریدی،صوبہ بلوچستان کے سینئر نائب صدر ملک فیصل دیوار، کوئٹہ ڈویژن کے علی دوست ایڈوکیٹ،جمعیت علماء اسلام نجم المدارس یونٹ کلی چلتن رہیسانی کے امیر مولوی محمد طاہر توحیدی، مولوی محمد قاسم حقانی ، مولانا مفتی محمد مسلم عاجز، مولانا حسین احمد خارانی، حافظ منیر احمد ایڈوکیٹ، حافظ زبیر احمد اور دیگر بھی موجود تھے۔حافظ حسین احمد نے کہا کہ پی ڈی ایم کی طے کردہ حکمت عملی انتہائی موثر اور سلیکٹیڈ کے لیے خطرناک ثابت ہوسکتی ہے ۔جے یو آئی ترجمان نے کہا کہ شیخ رشید کی ’’شیخیاں‘‘ ہمارے چیلنج دینے کے بعد جے یو آئی کے حوالے سے اگرچہ کم ہوچکی ہیں لیکن پھر بھی شیخ رشید اپنی خفت مٹانے کے لیے روزانہ جے یو آئی اور اس کے سربراہ کے حوالے سے معمولی ’’تڑکا‘‘ لگانے سے باز نہیں آرہا اس لیے اس کو آخری ’’وارننگ ‘‘ دی جاتی ہے کہ وہ اپنے اوقات میں رہے ورنہ جلد پنڈی ’’لال حویلی‘‘ آکر نہ صرف دنیا کو اس کے’’اوقات‘‘آشکار کئے جائیں گے بلکہ نت نئے انکشافات بھی ہونگے۔

. شیخ رشید اب بھی تڑکا لگانے سے باز نہیں آ رہے، لال حویلی آ کر کیا کام کریں گے؟ آخری وارننگ دے دی گئی ..

dadaddadd

اپنا تبصرہ بھیجیں