انتہائی اہم کیس میں سپریم کورٹ نے نیب کو نوٹس جاری کر دیا

اسلام آباد (آن لائن) میر شکیل الرحمن ضمانت بعد از گرفتاری کیس کی سپریم کورٹ میں سماعت، عدالت عظمیٰ نے معاملہ میں نیب کو نوٹس جاری کرتے ہوئے کیس کی سماعت دو ہفتوں تک کے لئے ملتوی کر دی ہے۔ معاملہ کی سماعت جسٹس

مشیر عالم کی سربراہی میں قائم تین رکنی بینچ نے کی۔ دوران سماعت میر شکیل کے وکیل خواجہ حارث نے اس موقع پر موقف اپنایا کہ میرے موکل کے خلاف 1986 کے اراضی کے معاملے پر کیس بنایا گیا، یہ اراضی ایل ڈی اے کی تھی جو منظوری کے بعد دی گئی،متعلقہ اراضی وزیراعلیٰ پنجاب کی منظوری سے دی گئی،بارہ مارچ 2020 کو میر شکیل کو گرفتار کیا گیا،میرے موکل ابھی جوڈیشل ریمانڈ پر ہیں،گرفتاری کی بنیاد پرانے اراضی کیس کو بنایا گیا،جسٹس قاضی امین نے ایک موقع پر سوال اٹھایا کہ کیا کیس میں چارج فریم ہوا ہے؟ عدالت عظمیٰ نے معاملہ میں پراسیکیوٹر نیب کو نوٹس جاری کر کے ٹرائل کورٹ سے ریکارڈ طلب کرتے ہوئے معاملہ کی سماعت دو ہفتوں کیلئے ملتوی کر دی ہے۔

. انتہائی اہم کیس میں سپریم کورٹ نے نیب کو نوٹس جاری کر دیا ..

dadaddadd

اپنا تبصرہ بھیجیں