صفائی کرنے والی خاتون  شہر کی میئر بن گئی

ماسکو( آن لائن )روس میں صفائی کرنے والی خاتون نے میئر کا الیکشن جیت لیا۔ بین الاقوامی میڈیا کے مطابق روسی صدر ولادی میر پیوٹن کے امیدوار کو صفائی کرنے والی لڑکی نے شکست دے کر میئر کا الیکشن جیت لیا۔ ذرائع کے مطابق مرینا اڈگوڈسکایا نامی خاتون چار سال قبل روس کے ایک دیہی گاں میں لوکل آفس میں صفائی کا کام کرتی تھیں۔بلدیاتی انتخابات میں میئر کے

الیکشن میں مرینا نے امیدواروں کی تعداد پوری کرنے کے لیے انتخابات میں حصہ لیا جس میں انہوں نے بھاری اکثریت سے کامیابی حاصل کر لی۔ مرینا اڈگوڈسکایا اب ماسکو سے 400 کلو میٹر دور 29 دیہات پر مشتمل چھوٹے سے ضلع کی میئر بن گئی ہیں اور اب اس علاقے کے معاملات دیکھیں گی۔ خبر رساں ادارے کے مطابق اس گاں میں گیس میسر نہیں ہے اور مقامی آبادی سردیوں میں اپنے گھروں کو گرم رکھنے کے لیے لکڑیاں جلا کر استعمال کرتی ہے۔روسی میڈیا کے مطابق ان کی فتح سابق میئر کے لیے ایک صدمے سے کم نہیں تھی کیونکہ انھوں نے ہی مرینا کو اس انتخاب میں حصہ لینے کے لیے اپنا مخالف امیدوار نامزد کیا تھا۔ سابق میئر نے میئر کے الیکشن کے لیے امیدوار پورے کرنے کے لیے مرینا کو نامزد کیا تھا۔ میڈیا ذرائع کے مطابق یہ فتح مرینا کے لیے بھی حیران کن تھی کیونکہ اس انتخاب میں انھوں نے کوئی انتخابی مہم نہیں چلائی تھی اور انھیں اپنی جیت کی توقع بھی نہیں تھی۔ایک انٹرویو میں مرینا کا کہنا تھا کہ وہ اپنی جیت پر حیرت زدہ تھیں، ان کو یقین نہیں آیا تھا کہ وہ میئر بن گئی ہیں۔ انہوں نے کہا کہ اگر لوگوں نے مجھے منتخب کیا تو میں ان کے لیے کام کروں گی۔ واضح رہے کہ انتخابات میں توقع کے برعکس مرینا نے 62 فیصد ووٹ حاصل کیے اور حریف امیدوار صرف 34 فیصد ووٹ حاصل کرسکے۔ یاد رہے کہ ان کے حریف روسی صدر ولادی میر پیوٹن کے حمایت یافتہ امیدوار تھے، اور اس علاقے کے میئر رہ چکے تھے۔

. صفائی کرنے والی خاتون  شہر کی میئر بن گئی ..

dadaddadd

اپنا تبصرہ بھیجیں