محکمہ مال کا ارب پتی خاکروب، گھر سے 6 کلو سونا، نوٹوں سے بھری 2 بوریاں برآمد

ملتان (نیوز ڈیسک) محکمہ مال کا خاکروب ارب پتی نکلا، نیب نے ذرائع کی اطلاع پر خاکروب کے گھر چھاپہ مارا جہاں سے چھ کلو سونا اور نوٹوں سے بھری ہوئی دو بوریاں برآمد کر لیں۔ ترجمان نیب کے مطابق بیورو نیب ملتان کی جانب

سے صوبہ پنجاب کے شہر بہاولنگر میں کارروائی کی گئی،نیب کو اطلاعات موصول ہوئی تھیں کہ محکمہ مال کا خاکروب کلیم غیر قانونی ذرائع کے اثاثے بنانے میں ملوث ہے، جب ملزم خاکروب کے گھر نیب ملتان نے چھاپہ مارا تو اس کے گھر سے چھ کلو سونا برآمد ہونے کے ساتھ دو بوریاں کرنسی نوٹوں سے بھری ہوئی بھی قبضے میں لے لی گئیں، نیب ترجمان کے مطابق خاکروب کے گھر سے پرائز بانڈز سے بھری ایک بوری بھی برآمد ہوئی ہے۔ نیب ترجمان کے مطابق چھاپے کے دوران ملزم کلیم جسے کلو کہا جاتا ہے موقع سے فرار ہو گیا لیکن اس کے بھائی رشید کو گرفتار کر لیا گیا ہے۔ جس سے تفتیش کرتے ہوئے ملزم کی گرفتاری کا لائحہ عمل طے کیا جائے گا۔

. محکمہ مال کا ارب پتی خاکروب، گھر سے 6 کلو سونا، نوٹوں سے بھری 2 بوریاں برآمد ..

dadaddadd

اپنا تبصرہ بھیجیں