سینئر افسران کی بے حسی کا شکوہ کرنے والے ایک اور بھارتی فوجی کی ویڈیو وائرل، خود کو قربانی کا بکرا قرار دیدیا

نئی دہلی (این این آئی)حال ہی میں وائرل ہونے والی نئی ویڈیو میں بھارتی فوجیوں نے سرکار اور افسران کیلئے خود کو قربانی کا بکرا قرار دے دیا۔سویڈن کی اپسالا یونیورسٹی میں پیس اینڈ کونفلیکٹ ریسرچ کے پروفیسر اشوک سوائن نے اپنے ٹوئٹر اکاؤنٹ پر ایک ویڈیو پوسٹ کی جس میں بھارتی فوجیوں کو شکوہ کرتے سنا جا سکتا ہے کہ انسداد دہشت گردی کے آپریشن میں شمولیت کے لیے

بلٹ پروف گاڑی فراہم کرنے کے بجائے عام گاڑی دے کر فوجی افسران ہماری زندگی کے ساتھ کھیل رہے ہیں۔اس دوران برابر میں بیٹھے ایک فوجی اہلکار نے کہا کہ کمانڈر کی ذمہ داری ہے کہ وہ اوپر بتائیں۔جس پر شکوہ کرنے والے نوجوان نے جواب دیا کہ کمانڈر نہیں بتائے گا تو اس فیصلے کے پیچھے ہم جان بوجھ کر اپنی زندگی برباد کررہے ہیں اور کمانڈر کو کیا ضرورت ہے بولنے کی وہ تو نہیں بولے گا۔انہوں نے کہا کہ او سی (سینئر افسر) بلٹ پروف گاڑی میں چار پانچ لوگوں کے ساتھ روانہ ہوگئے اور ہمیں اس عام گاڑی میں ٹھونس دیا جہاں بلٹ پروف گاڑی محفوظ نہیں وہاں یہ ٹین کا ڈبہ جس پر پتھر مارو کو آر پار ہوجائے گا، ایسے میں ہم کس طرح محفوظ ہوسکتے ہیں۔فوجی اہلکار نے کہا کہ ہمیں اس گاڑی میں چھانٹ کر بھیج دیا کہ تاکہ ہم (حملے) میں مر جائیں۔اس دوران ویڈیو بنانے والا فوجی موبائل کو اپنی طرف کرکے کہتا ہے کہ بہت ناقص انتظامات ہیں او سی افسر تو بلٹ پروف گاڑی میں چلا جاتا ہے اور کمپنی (اہلکاروں) کو سادہ گاڑیوں میں روانہ کردیتا ہے۔ٹوئٹر پر ویڈیو شیئر کرنے والے پروفیسر اشوک سوائن نے کہا کہ کیا مودی حکومت نے پلوامہ سے کوئی سبق نہیں سیکھا جہاں 40 فوجی مارے گئے تھے؟انہوں نے کہا کہ اب بھی دہشت گردی کے خلاف کارروائیوں کے لیے عام ٹرکوں میں فوجیوں کو بھیجا رہا ہے اور فوجی ناراض ہیں۔یاد رہے کہ یہ کوئی پہلی ویڈیو نہیں

جس میں بھارتی فوجیوں نے حکومت اور سینئر فوجی افسران کے بے حسی اور کرپشن کا تذکرہ کیا گیا ہو۔اس سے قبل سرحد پر تعینات بھارت کے بارڈر سیکیورٹی فورس (بی ایس ایف) کے اہلکاروں کو ناقص معیار کا کھانا فراہم کیے جانے کی شکایت کرنے والے اہلکار کا

تبادلہ بطور پلمبر ہیڈکوارٹر میں کردیا گیا تھا۔8 جنوری کو تیج بہادر یادیو نے سماجی رابطوں کی ویب سائٹ فیس بک پر 3 ویڈیوز شیئر کیں، جن میں انہوں نے سرحد پر جان ہتھیلی پر رکھ کر لڑنے والے فوجیوں کو ملنے والے ناقص اور ناکافی کھانے کا تذکرہ کیا۔

. سینئر افسران کی بے حسی کا شکوہ کرنے والے ایک اور بھارتی فوجی کی ویڈیو وائرل، خود کو قربانی کا بکرا قرار دیدیا ..

dadaddadd

اپنا تبصرہ بھیجیں