وائٹ ہائوس میں کورونا وائرس کیسے پھیلا؟ ڈاکٹر نے بتادیا

واشنگٹن(این این آئی)وائٹ ہائوس میں کورونا وائرس کیسے پھیلا؟ وبائی امراض کے ماہر ڈاکٹر فاوچی نے وجہ بتادی۔میڈیارپورٹس کے مطابق وبائی امراض کے امریکی ماہر ڈاکٹر فاوچی نے 26 ستمبر کو ہونے والی وائٹ ہاوس کی تقریب کو کورونا وائرس کے پھیلاو والی سپر سپریڈر تقریب قرار دے دیا۔

ڈاکٹر فاوچی نے ٹرمپ انتظامیہ پر کڑی تنقید کرتے ہوئے سپریم کورٹ کے جج نامزد کرنے والی تقریب کو کورونا وائرس کے پھیلاو کی بڑی تقریب قرار دیا ہے۔اب تک امریکی صدر ڈونلڈ ٹرمپ سمیت 26 ستمبر کی تقریب میں شرکت کرنے والے 11 افراد کا کورونا ٹیسٹ مثبت آچکا ہے۔دوسری جانب امریکی صدر ڈونلڈ ٹرمپ کروناکا شکار ہونے کے بعد پہلی مرتبہ عوام میں بغیر ماسک نمودار ہوئے ۔انھوں نے وائٹ ہائوس کی بالکونی سے جنوبی لان میں جمع اپنے سیکڑوں حامیوں کو مخاطب کیا ہے اور کہا ہے کہ میں نمایاں بہتری محسوس کررہا ہوں۔غیرملکی خبررساں ادارے کے مطابق انھوں نے اپنی مختصر تقریر میں کہاکہ میں آپ سے یہ کہنا چاہتا ہوں کہ ہماری قوم اس خوف ناک چائنا وائرس کو شکست سے دوچار کرنے والی ہے۔انھوں نے ایک مرتبہ پھر کروناوائرس کو چائنا وائرس کو قرار دیا ہے۔وائٹ ہائوس میں اکٹھے ہونے والے صدر ٹرمپ کے سیکڑوں حامیوں میں سے قریبا نصف نے ماسک پہن رکھے تھے اور نصف اس کے بغیر

تھے لیکن انھوں نے کروناوائرس سے بچنے کے لیے بہت کم سماجی فاصلہ اختیار کررکھا تھا۔صدر ٹرمپ نے اپنی تقریر میں کہا کہ یہ وائرس معدوم ہونے جارہا ہے، یہ ختم ہورہا ہے۔اس مہلک وائرس کے نتیجے میں 210000 سے زیادہ افراد ہلاک ہوچکے ہیں۔اس وبا نے ڈونلڈ ٹرمپ کی انتظامیہ کی کارکردگی پر بعض سوالیہ نشان لگا دیے ہیں اور 3 نومبر کو امریکا میں منعقد ہونے والے صدارتی انتخابات کے لیے ان کی مہم پر بھی انتہائی منفی اثرات مرتب ہوئے ہیں۔

. وائٹ ہائوس میں کورونا وائرس کیسے پھیلا؟ وبائی امراض کے ماہر ڈاکٹر فائوچی نے وجہ بتا دی ..

dadaddadd

اپنا تبصرہ بھیجیں