ٹرمپ کیلئے بھوکا رہنے والا بھارتی شہری انتقال کرگیا

واشنگٹن(این این آئی)امریکی صدر ڈونلڈ ٹرمپ کے کورونا وائرس میں مبتلا ہونے کی خبر سن کر اس کی صحتیابی کے لیے بھوکا رہ کر دعائیں کرنے والا بھارتی شہری دل کا دورہ پڑنے سے انتقال کر گیا۔بھارتی میڈیا کے مطابق ریاست تلنگانہ سے تعلق رکھنے والے

کسان بسا کرشنا راجو کے دوستوں کا کہنا تھا کہ جب راجو نے ڈونلڈ ٹرمپ کا کورونا وائرس ٹیسٹ مثبت آنے کی خبر سنی تو اسے شدید دھچکا لگا تھا۔بھارتی کسان کے ایک قریبی دوست نے بتایا کہ بسا کرشنا راجو ٹرمپ کو بہت زیادہ پسند کرتا تھا اور اس نے گزشتہ برس ایک 6 فٹ لمبا ٹرمپ کا مجسمہ کھڑا کر کے اس کی پوجا شروع کر دی تھی۔اس کے دوستوں کا کہنا تھا کہ جب سے بسا کرشنا راجو نے امریکی صدر ڈونلڈ ٹرمپ کے کورونا وائرس میں مبتلا ہونے کا سنا تو اس نے راتوں کو جاگ کر اور بھوکا رہ کر امریکی صدر کی صحت یابی کے لیے دعائیں شروع کر دیں، لیکن وہ دل کا دورہ پڑنے سے انتقال کرگیا۔

. ٹرمپ کیلئے بھوکا رہنے والا بھارتی شہری انتقال کرگیا ..

dadaddadd

اپنا تبصرہ بھیجیں