پاکستان میں آئندہ چند برسوں کےبعد سیاحت بالکل ختم ہو جائے گی اس کے پیچھے بڑی اور بنیادی وجہ کیا ہو گی ؟ چیف جسٹس کے ریمارکس

اسلام آباد(آن لائن)سپریم کورٹ نے زیر زمین پانی کے استعمال سے متعلق از خود نوٹس کیس کی سماعت کے موقع پر وفاق اور چاروں صوبوں سے ملک بھر کے دریاوں اور نہروں کے کنارے درخت لگانے سے متعلق رپورٹ 4ہفتوں میں طلب کر لی ہے ۔از خود نوٹس کیس کی سماعت چیف جسٹس کی سربراہی میں تین رکنی بنچ نے کی ۔ دوران سماعت چیف جسٹس آف اپکستان جسٹس گلزار احمد نے

ریمارکس دیتے ہوئے کہا کہ کمراٹ، نتھیا گلی اور مری میں درخت ختم ہوگئے، ہمارے ملک میں آئندہ چند برسوں بعد سیاحت بالکل ختم ہوجائے گی،5 سال بعد ہمارا ملک بحر مردار بن جائے گا، درخت نہ ہونے سے موسم گرم ہوجائے گا اور برف پڑنا بند ہوجائے گی،پنجاب میں2 لاکھ درخت بہت کم ہیں ،پنجاب میں 2 فٹ کے درخت لگائے گئے ہیں، ہم امریکہ کیوں جائیں درخت ہمارے سامنے کٹ رہے ہیں،سندھ میں کچے کا علاقے میں جنگل ہونا چاہئے، کہاں لگے ہیں درخت ابھی مجسٹریٹ بھیج کر رپورٹ منگوا لیتے ہیں،سندھ میں کوئی درخت نہیں لگا غلط بیانی نہ کریں،پہلے سندھ میں نہروں اور ہائی ویز کے کنارے گھنے درختوں کی چھت بنی ہوتی تھی۔جسٹس فیصل عرب نے ایک موقع پر ریمارکس دیئے کہ بلین ٹری سونامی کا کیا بنا؟ جنگلات کی زمین نجی لوگوں کو الاٹ کر دی گئی، چھوٹے درختوں کو تو بکریاں کھا جاتی ہیں،نئی گج ڈیم سے متعلق رپورٹ بھی نہیںجمع کرائی گئی،کاغذوں پر درخت نہ لگائیں رپورٹ پیش کریں۔ ایڈیشنل ایڈوکیٹ جنرل بلوچستان نے عدالت کو بتایا کہ بلوچستان میں 40 ہزار درخت لگا چکے رپورٹ جمع کرانی باقی ہے۔ایڈیشنل ایڈوکیٹ جنرل پنجاب نے بتایا کہ پنجاب میں دریاوں اور نہروں کے کنارے 2 لاکھ درخت لگا دیئے ہیں، سندھ محکمہ آبپاشی حکام نے عدالت کو بتایا کہ سندھ میں نہروں اور دریاوں کے ساتھ درخت لگائے ہیں۔عدالت عظمیٰ نے اس موقع پر قرار دیا کہ چھوٹے درختوں کو جانور کھا جاتے ہیں،دریاوں اور نہروں کے کنارے 6 فٹ سے بڑے درخت لگائے جائیں،6 فٹ کے درخت لگانے سے دریا اور نہروں کے بند مضبوط رہیں گے،عدالت عظمیٰ نے چاروں صوبوں اور وفاق کے فارسٹ اور ایری گیشن سیکرٹریز کو آئندہ سماعت پر طلب کرتے ہوئے معاملہ کی سماعت 4ہفتوں تک کے لئے ملتوی کر دی ہے ۔

. پاکستان میں آئندہ چند برسوں کےبعد سیاحت بالکل ختم ہو جائے گی اس کے پیچھے بڑی اور بنیادی وجہ کیا ہو گی ؟ چیف جسٹس کے ریمارکس ..

dadaddadd

اپنا تبصرہ بھیجیں