شادی کے بعد ثناء  خان نے اپنا نام بھی تبدیل کرلیا

گجرات (این این آئی)گزشتہ ماہ اسلام کی خاطر بالی ووڈ سے کنارہ کشی اختیار کرنے والی سابقہ بھارتی اداکارہ ثناء  خان نے شادی کے بعد انسٹاگرام پر اپنا تبدیل کردیا ہے۔بھارتی ریاست گجرات سے تعلق رکھنے والے مفتی انس نامی شخص سے شادی کرنے والی سابقہ بھارتی اداکارہ ثناء  خان نے

سوشل میڈیا سائٹ پر جہاں اپنی شادی کی تصویر پوسٹ کی ہے تو وہیں اْنہوں نے اپنا تبدیل کرکے ”سیدہ ثناء  خان ‘ ‘کردیا ہے۔دو روز قبل رشتہء ازدواج میں منسلک ہونے والی ثناء  خان نے انسٹاگرام اسٹوری میں اپنی بارات کے دن کی کچھ تصویریں بھی شیئر کی ہیں جن میں اْنہوں نے سْرخ رنگ کا خوبصورت عروسی لباس زیب تن کیا ہوا ہے جبکہ اس کے ساتھ ہی حسین جیولری بھی پہنی ہوئی ہے جس سے وہ مزید دلکش لگ رہی ہیں۔ثناء  خان کی شادی کی تصاویر اور ویڈیوز گزشتہ روز سے انٹرنیٹ پر سنسنی خیز ہیں جبکہ دْنیا بھر میں موجود اْن کے چاہنے والے اْنہیں شادی کی مبارکباد دیتے دکھائی دے رہے ہیں اور ہر ایک شخص ثناء  خان کی زندگی کے نئے سفر کے لیے نیک خواہشات کا اظہار بھی کررہا ہے۔یاد رہے کہ بالی ووڈ کی سابقہ اداکارہ ثناء  خان نے دو روز قبل ہی بھارتی ریاست گجرات سے تعلق رکھنے والے مفتی انس نامی شخص سے شادی کی ہے۔

. شادی کے بعد ثناء  خان نے اپنا نام بھی تبدیل کرلیا ..

dadaddadd

اپنا تبصرہ بھیجیں