صرف ہاتھوں کی مدد سے فلک بوس عمارت سر ویڈیو یوٹیوب پر اپ لوڈ،پولیس نے مہم جو کوگرفتار کرلیا

پیرس(این این آئی) فرانس میں ایک مہم جو نے سپرمین جیسی ایک مشکل مہم سر کر کے دیکھنے والوں کو حیران کر دیا۔عرب ٹی وی کے مطابق فرانس کے دارالحکومت پیرس میں ایک شخص نے 689 فٹ یعنی 210 میٹر بلند عمارت کو باہر سے صرف ہاتھوں کی مدد سے سر کر کے سب کو

حیران کر دیا۔ اس نے اس کام کے لیے کسی قسم کی حفاظتی کٹ استعمال نہیں کی بلکہ صرف اپنے ہاتھوں کے سہارے عمارت پر چڑھتا رہا۔پیرس کے وسط میں واقع ماونٹ کارناس ٹاور سنہ 1973 میں تعمیر کیا گیا تھا اور اس کا شمار فرانس کی بلند ترین عمارتوں میں ہوتا ہے۔ کسی شخص کا اس کے بیرونی سطح سے ہاتھوں کے سہارے چڑھنا خطرے سے خالی نہیں مگر اس نے خود کو خطرے میں ڈال کر یہ مہم سر کرلی۔ فرانسیسی شہری کی فلک بوس عمارت پر چڑھنے کی ایک ویڈیو یوٹیوب پر لوڈ کی گئی ہے جس میں اسے عمارت کی بیرونی سطح سے آگے بڑھتے دیکھا جا سکتا ہے۔پولیس اور ایمبولینس سروس بھی ٹاور کے پاس پہنچ گئی تھیں۔ خطرناک مہم سر کرنیوالے شخص کو پولیس نے گرفتار کر لیا ہے۔

. صرف ہاتھوں کی مدد سے فلک بوس عمارت سر ویڈیو یوٹیوب پر اپ لوڈ،پولیس نے مہم جو کوگرفتار کرلیا ..

dadaddadd

اپنا تبصرہ بھیجیں