ملک میں خواتین اور بچوں کی آبرو ریزی کے واقعات میں ہوشربا اضافہ 7ماہ میں کتنے ہزار خواتین کی عزتیں پامال کی گئیں ؟افسوسناک تفصیلات

لاہور( این این آئی )ملک میں خواتین اور بچوں کی آبرو ریزی کے واقعات میں اضافہ ہوا ہے، رواں سال بچوں کے ساتھ آبرو ریزی کے واقعات میں14 فیصد اضافہ ہوا،رواں سال کے پہلے سات ماہ کے دوران صرف پنجاب میں 2043 خواتین کی عزتیں پامال کی گئیں۔

غیر سرکاری اعداد و شمار کے مطابق 2019 کے دوران پنجاب میں خواتین کے ساتھ آبرو ریزی کے 3881 واقعات رپورٹ ہوئے جبکہ 2020 میں جنوری سے جولائی تک صرف 7ماہ میں 2043 خواتین کو آبر و ریزی کا نشانہ بنایا گیا۔ ان میں سے 111 خواتین اجتماعی آبر و ریزی کا شکار ہوئیں۔2019 کے پہلے چھ ماہ کے دوران ملک بھر میں بچوں کے ساتھ آبر رویزی کے 1304 کیسز سامنے آئے جبکہ رواں سال کے اسی عرصے میں 1489 بچے ہوس کا نشانہ بنے۔ یوں آبر و ریزی کے واقعات میں 14 فیصد اضافہ ہوا جن میں 53 فیصد بچیاں جبکہ 47 فیصد بچے ہیں۔سماجی ماہرین کا کہنا ہے کہ بچوں کے معاملے میں والدین کو غیر معمولی احتیاط برتنا ہو گی۔ ایسے واقعات کا یکدم ختم ہونا ممکن نہیں لیکن فوری اور سخت سزائوں کے نفاذ سے نمایاں کمی ضرور ہو سکتی ہے۔

. ملک میں خواتین اور بچوں کی آبرو ریزی کے واقعات میں ہوشربا اضافہ 7ماہ میں کتنے ہزار خواتین کی عزتیں پامال کی گئیں ؟افسوسناک تفصیلات ..

dadaddadd

اپنا تبصرہ بھیجیں