نواز شریف نے پنجاب میں تبدیلی کی تجویز کو مسترد کر دیا

لاہور ( آن لائن ) سابق وزیراعظم نواز شریف نے پنجاب میں تبدیلی کی تجویز کو مسترد کر دیا اور کہا ہے کہ پی ڈی ایم پر انحصار کرنے کی بجائے اپنی پارٹی کو منظم فعال اور متحرک کیا جائے۔ میڈیارپورٹس کے مطابق مسلم لیگ ن کے ایک حالیہ اجلاس میں ایک مرتبہ پھر پنجاب حکومت کی تبدیلی، وزیر اعلی عثمان بزدار کے خلاف تحریک عدم اعتماد کا معاملہ زیر بحث آیا تاہم اس مرتبہ بھی نواز شریف نے یہ تجویز مسترد کر دی۔ سابق وزیر اعظم کا کہنا ہے کہ پارٹی ورکرز کو وارم اپ کرنے کے لئے کنوکشن منعقد کرایا جائے۔

تنظیمی ڈھانچہ مستحکم ہونے پر ن لیگ حکومت مخالف تحریک شروع کرے گی۔ اجلاس میں رمضان المبارک کے بعد ورکرزکنونشن کرنے پر اتفاق ہوا۔ میڈیارپورٹس کے مطابق نوازشریف ہفتے میں تین سے چار دن پارٹی رہنما، عہدیداروں کے ساتھ ویڈیو لنک کے ذریعے مشاورت کریں گے۔ ورکرز کنونشن سے نواز شریف لندن سے ٹیلی فونک خطاب کریں گے۔ رپورٹس کے مطابق اجلاس میں جنوبی پنجاب سیکرٹریٹ کے خاتمے پر تشویش کا اظہار کیا گیا۔یہ معاملہ سینیٹ اور قومی اسمبلی میں اٹھانے کا فیصلہ کیا گیا۔

. نواز شریف نے پنجاب میں تبدیلی کی تجویز کو مسترد کر دیا ..

dadaddadd

اپنا تبصرہ بھیجیں